قائمة بأهم الحاجات في جهاز العروسة

الحياة الزوجية, منزل, قعدة ستات قائمة بأهم الحاجات في جهاز العروسة

جهاز العروسة مشكلة كبيرة بتواجه كل عروسة بتجهز لفرحها بسبب الأغراض الكتيرة المطلوب منها تشتريها، وخصوصاً الحاجات الرفيعة اللي بتنسى تشتريها، ومش بتفتكرها غير وقت ما بتحتاج تستخدمها في بيتها الجديد. الأحسن أنك قبل ما تنزلي تشتري جهاز العروسة تحضري قائمة طويلة مكتوب فيها كل الأدوات والأغراض اللي محتاجاها، وكل ما تفتكري حاجة جديدة زوديها عليها. وبنفكرك في المقال ده من ستات دوت كوم بالحاجات اللي مينفعش جهازك يخلى منها:

أهم مكونات جهاز العروسة 

أغراض النيش

من أجزاء جهاز العروسة الأساسية، النيش الحاجة الوحيدة اللي أغراضه بتستخدم في الزينة بس ومش بنستخدمها، عشان كدة حاولي متكتريش في حاجات النيش، واكتفي بعدد قليل من الأطقم الغالية والشيك. زمان كان النيش ضخم وكبير، لكن الموضة دلوقتي في النيش أنه يكون بسيط، وظهرت أنواع جديدة شبه دولاب الفضية. ومن أهم الحاجات اللي ممكن تشتريها للنيش: - شنطة الملاعق - طقم الصيني - طقم العشاء - طقم الأركوبيرس - كاسات كريستال - طقم قهوة - مفارش "واختاريها مناسبة لديكور البيت وشكل السفرة"

جهاز العروسة

أغراض المطبخ

المطبخ من أكتر الأماكن في البيت اللي بتبقى محتاجة أغراض وأدوات  في جهاز العروسة كتيرة أوي، حاولي وأنتي بتشتري تحددي الحاجات الضرورية، والحاجات اللي أنتي هتستخدميها فعلاً، عشان في النهاية متلاقيش نفسك قدام مطبخ مكركب مش قادر يستوعب الحاجات الكتيرة الموجودة فيه. ودي أهم الحاجات اللي لازم تكون موجودة في المطبخ: - أطقم حلل "الومنيوم، ستانلس، تيفال، بيركس، أركوبال، وسيراميك" - أطقم "أركوبال، بيركس، صيني، ميلامين" - أطقم صواني "بيركس، ألمونيوم، تيفال" - صواني للبيتزا - طاسات "تيفال، سيراميك" - طقم كسرولة "تيفال وألمونيوم" - حلل ضغط، وممكن تكتفي بحلة واحدة بس. - طقم بلاستيك المطبخ - صواني تقديم - فرن وميكرويف - طقم توابل - طقم ملاعق وسكاكين - 12 كأس للعصير، و12 كوب شاي. جهاز العروسة

أغراض الحمام

الحمام من الأماكن اللي مش بتحتاج  في جهاز العروسة أغراض كتيرة، اشتري المنظفات ومستحضرات التجميل والشامبوهات على قد استخدامك، لأن المنظفات ومستحضرات التجميل مرتبطة بفترة صلاحية معينة، وبعد كدة مش هتعرفي تستخدميها. ومن أهم الحاجات اللي لازم تكون موجودة في الحمام: - ستارة بانيو - أطقم أرضيات للحمام، واختاري ألوان تليق مع لون حمامك - سلة قمامة، ويفضل تكون من الاستانلس ستيل - مراية، وأرفف للصابون وفرش الأسنان - طقم بلاستيك للحمام - سبت غسيل - إكسسوارات للزينة - علاقة ملابسجهاز العروسة

أغراض غرفة النوم

وأنت بتشتري أغراض غرفة النوم اتأكدي أن الدواليب هتقدر تستوعب كل الحاجات اللي اشترتيها في جهاز العروسة الكبير، وخصوصاً أن غرفة النوم من أكتر الأماكن العملية في البيت، وبالتالي مينفعش تكون مكركبة أو مزدحمة بالأغراض. ومن أهم الحاجات اللي لازم تشتريها في غرفة النوم: - أطقم فوط قطيفة وقطن - بطانيات - مفرش سرير - لحاف فيبر - كفرتات - أطقم ملايات - أطقم ملايات أطفال - مفارش للدواليب - أباجورات جهاز العروسة

 

مواضيع ذات علاقة
المراهقة المتأخرة لزوجك كيف تتعاملي معها؟
المراهقة المتأخرة لزوجك كيف تتعاملي معها؟

تعتبر المراهقة المتأخرة مشكلة تصيب العديد من الرجال بعد سن الأربعين، حيث يتغير نمط حياتهم، تصبح تصرفاتهم أكثر صبيانية،

أشخاص قد يؤثرون علي العلاقة الزوجية
أشخاص قد يؤثرون علي العلاقة الزوجية

العلاقة الزوجية بين الزوجين تقوم على التفاهم والمشاركة بين الطرفين، الزواج هو علاقة بين طرفين قائمة علي الود، والتسامح، والانسجام، وحرص كل طرف علي إسعاد الطرف

افضل مسلسلات كورية رومانسية على الإطلاق
افضل مسلسلات كورية رومانسية على الإطلاق

إذا كنتِ من هواة الدراما الرومانسية، نقدم لكِ مجموعة من أفضل مسلسلات كورية رومانسية على الإطلاق، حيث أن الدراما الكورية شهدت تميز كبيرًا في الفترة الأخيرة، ولذل

التعليقات
لا يوجد تعليقات
اكتبي تعليق
comments::comments.your_message_is_required