7 أخطاء يومية تدمر الشعر

صحة وجمال 7 أخطاء يومية تدمر الشعر

الشعر هو تاج على رأس كل بنت، ومن أهم المظاهر اللي بتبرز جمالها، عشان كدة بتبذل البنات كل اللي تقدر عليه من مجهودات عشان تحافظ على شعرها، وعلى نعومته وجماله. بس فيه غلطات وعادات يومية بتعملها كتير من البنات لشعرها، وهي مش عارفة أن العادات دي بتأذي شعرها وبتدمره مش بتحافظي عليه. ودي مجموعة من العادات والأخطاء اليومية اللي بتضر الشعر وبتدمره يقدمها لك ستات دوت كوم في هذه السطور  

1- غسل الشعر يومياً

كتير من البنات فاكرين أن غسل الشعر يومياً بيخلصه من الأتربة والملوثات اللي بتتنقل له من الجو، بس غسل الشعر يومياً بيضعف الشعر وبيؤدي إلى تساقطه وبيخفي بريقه ولمعانه. لأن غسل الشعر المبالغ فيه بيحرمه من الزيوت الطبيعية اللي بتفرزها فروة الرأس اللي بتحميه من التعرض للتساقط أو التقصف، الأحسن أنك تغسلي شعرك مرة أو مرتين في الأسبوع، واعملي حمام زيت مرة واحدة في الأسبوع.

2- تجفيف الشعر

الشعر وهو مبلول بيكون في أضعف حالاته، فتجفيف الشعر بعد غسله على طول سواء بمجفف الشعر أو عصره بشكل قاسي بيخلي الشعر يفقد نعومته ولمعانه الطبيعي. الأحسن أنك تنشفي شعرك بفوطة، وتسيبيه شوية في الهواء لحد ما ينشف، ولو مضطرة تستخدمي مجفف الشعر استخدميه على أقل درجة حرارة عشان متضريش شعرك. نصائح شراء إستشوار الشعر والأسعار وأفضل الماركات

3- تمشيط الشعر من الجذور

لو شعرك خفيف أو ضعيف ابعدي عن تمشيط شعرك من الجذور للأطراف، لأنه ده ممكن يزود تساقطه، الأحسن في الحالة دي أنك تمشطي الأطراف الأول لحد ما توصلي للجذور وفروة الرأس. 2- تجفيف الشعر

4-  السيشوار والمكواة

تعريض الشعر لدرجة حرارة عالية عند استخدام السيشوار أو مكواة الشعر بيضعف الشعر ويعرضه للتقصف. لو عايزة تستخدمي السيشوار أو المكواة اظبطيهم على درجة حرارة منخفضة، وحطي كريم واق الحرارة عل شعرك قبل الاستخدام. كمان ممكن تعوضي شعرك بالزيوت الطبيعية أو حمامات الكريم عن الزيوت اللي بيفقدها مع حرارة السيشوار والمكواة.

نصائح شراء إستشوار الشعر والأسعار وأفضل الماركات

نصائح شراء إستشوار الشعر والأسعار وأفضل الماركات

5- ربط الشعر قبل النوم

من أكتر العادات المدمرة للشعر هي ربطه جامد قبل النوم، والعادة دي مع الوقت بتدمر الشعر وبتسبب تساقطه، وظهور فراغات في فروة الرأس. الأحسن أنك تعملي ضفيرة رخوة عشان تقدري تنامي وأنتي مستريحة وفي نفس الوقت تحافظي على شعرك، أو ممكن تربطي شعرك باستيك من القماش بدل من المطاط، لأنه رخو أكتر وملين على الشعر. الشعر

6- غسل الشعر بالماء الساخن

فيه اعتقاد عند البنات أن غسل الشعر بالماء الساخن بيعمل على تنظيفه بعمق، بس العادة دي بتضر الشعر مش بتفيده على الإطلاق. لأن غسل الشعر بالماء الساخن بيسبب جفافه وضعف، وبيفقده الرطوبة، وكمان بيؤدي إلى تساقطه بكثافة كبيرة، فالأفضل أنك تغسلي شعرك بماء فاتر، وعلى درجة حرارة معتدلة.  

7- فرك الشعر مع الشامبو

الحركة دي دائماً بنعملها لما بنستخدم الشامبو بنفرك الشعر بعنف عشان يوصل الشامبو للجذور وكل أجزاء الشعر. بس الحركة دي بتسبب تكسر الشعر، وخصوصاً أنه بيكون ضعيف جداً وقت غسله، فالأحسن أنك تحطي كمية من الشامبو بين ايديكي وافركيها كويس، ووزعيها بالراحة على فروة الرأس، وافركي الشعر بأطراف صوابعك بنعومة.   https://youtu.be/8rzHwEip6UI

 

مواضيع ذات علاقة
استعيدي شبابك عن طريق السمسم .. لن تصدقي فوائده المتعددة!
استعيدي شبابك عن طريق السمسم .. لن تصدقي فوائده المتعددة!

للسمسم فوائد مذهلة للبشرة والجسم فهو يعمل على تأخير مظاهر الشيخوخة ويعالج الجفاف، لذلك استعيدي شبابك عن طريق السمسم وتعلمي كيف يحدث هذا.

تحضير سيروم الشعر بالمنزل بطريقة بسيطة
تحضير سيروم الشعر بالمنزل بطريقة بسيطة

سيروم الشعر هو واحد من المنتجات الحديثة، والتي توصل إليها خبراء العناية بالشعر مؤخرا، فهو بديل مميز ورائع للعديد من منتجات الشعر، حيث يعد بديل لبلسم الشعر

تعرفي على أضرار طلاء الاظافر
تعرفي على أضرار طلاء الاظافر

اضرار طلاء الاظافر متعددة، ولا تقتصر أضرارها فقط على صحة الاظافر، ولكن تمتد أضرارها إلى الصحة العامة أيضاً، بسبب المواد الكيميائية الخطيرة المستخدمة في تصنيعها،

تعرفي على خطوات الحفاظ على الجهاز العصبي
تعرفي على خطوات الحفاظ على الجهاز العصبي

يعد الجهاز العصبي من أهم الاجهزة الحيوية في جسم الانسان ، والذي يتجاهل كل منا طرق العناية به والحفاظ عليه لسلامته، على الرغم من أهميته، فالجهاز العصبي هو الذي ي

×

تحميل برنامج ستات

حمل الان

الى التطبيق