اعرفي أيه هو تاتو الحواجب وإزاي بيتعمل؟

صحة وجمال, مكياج اعرفي أيه هو تاتو الحواجب وإزاي بيتعمل؟

تاتو الحواجب تعتبر واحدة من عمليات التجميل الحديثة جداً، واللي انتشرت بشكل كبير مؤخراً، وزاد إقبال الستات عليها، وخصوصاً اللي بيعاني من مشاكل أو تشوهات في شكل الحاجب. والحواجب تعتبر من الأجزاء المهمة في الوجه، واللي بتبرز جمال العين، وأي تشوه في شكل الحواجب بيأثر على جمال الوجه كله، عشان كدة كل الستات بتكون حريصة أنها يكون عندها حاجب شكل جميل ومرسوم. لكن في ستات كتير بتعاني من مشكلات في الحاجب زي تساقط الشعر منه، أو أنه مفيش رسمة محددة ليه، وأو أنه رفيع زيادة عن اللزوم ومش باين في الوجه، أو فيه ندوب وفراغات، وفيه وسائل مؤقتة ممكن تظبطي الحاجب بها زي قلم كحل الحواجب أو الآي شادو، بس كل الحاجات دي تعتبر مكياج، وبتزول بسرعة، فكان تاتو الحواجب الحل المثالي لستات كتير في الحصول على حواجب دائمة.  

أيه هو تاتو الحواجب؟

تاتو الحواجب هو تقنية بتعتمد على وضع صبغات أو أحبار معينة على الجلد، وده من خلال إبرة بيتم تسخينها، واستخدامها في رسم الحاجب.   وتاتو الحواجب في منه نوعين المؤقت والدائم، والدائم ده بيتم إجراؤه في مركز طبي على يد دكتور متخصص. تاتو الحواجب

تاتو الحواجب الدائم

 

  • عملية تاتو الحواجب الدائم مش بيتم خلالها إزلة شعرات من الحاجب، لأن الدكتور بيرسم التاتو فوق الشعر، بالعكس ده ممكن الدكتور يطلب منه متشليش شعر الحاجب قبل عملية التاتو بأسبوعين عشان الرسمة الطبيعية بتاعت الحاجب تكون واضحة، ويحدد الدكتور إزاي هيرسم عليها.
  • العملية مش بتحتاج تخدير، الدكتور بس بيحقن منطقة الحواجب ببنج موضعي عشان متخسيش بألم من الإبرة وهي ساخنة أثناء رسم الحاجب.
  • بيطلب منك الدكتور تختاري لون ورسمة معينة للحاجب، ودي أهم خطوة بالنسبة ليكي، لأن لو التاتو دائم يبقى اللون والرسمة دي هتعيش معاكي طول العمر، ومش هتعرفي تتخلصي منها غير بالليزر، ومن خلال عملية تانية عند الدكتور.

اختاري لون تاتو مناسب للون شعرك وبشرتك، وحاولي تبعدي عن اللون الأسود الغامق، لأنه ممكن يتحول للون أزرق مع الوقت، واختاري كمان رسمة قريبة من رسمتك حاجبك الطبيعية عشان تليق مع ملامح وجهك.

  • الدكتور في الأول هيرسم رسمة مبدأية على الحاجب، عشان تتأكدي من أن الرسمة دي هتكو لايقة وتستقري عليها، بعد كدة هيستخدم الإبرة بعد تسخينها وهيحقن الجلد في منطقة الحاجب باللون اللي أنت اختارتيه، وعلى الرسمة اللي رسمها قبل كدة فوق الحاجب,

 بعد العملية لازم تلتزمي بالإرشادات اللي هيقولها لكي الدكتور، واللي منها عدم التعرض المباشر لأشعة الشمس لمدة 4 أيام، وممكن تستخدمي كريم واقي الشمس، عشان تحافظي على لون الحواجب الجديدة، وميتعرضش للبهتان.   وعملية تاتو الحواجب الدائم بتستغرق من الدكتور من 30 دقيقة لساعتين، وبيتوقف ده على طبيعة الحاجب، والرسمة اللي بتتعمل له.  

مخاطر تاتو الحواجب

تاتو الحواجب الدائم ملوش أي مخاطر أو آثار جانبية، ممكن بس في أول أيام بعد ما تعمليه يحصل التهابات بسيطة، وبتروح على طول، كمان مش بيأذي شعر الحاجب، ولا بيأثر على نموه.   وممكن وده نادر لما بيحصل أنك تتعرضي لحساسية من الصبغات المستخدمة في تلوين الحاجب، وممكن تتعرضي للعدوى، عشان كدة أهم حاجة تروحي لدكتور شاطر وموثوق فيه، عشان توصلي لتيجة مضمونة من غير أي أضرار.  مخاطر تاتو الحواجب

تاتو الحواجب المؤقت

وده بيستمر في الوجه من 4 أسابيع لحد ثلاثة أشهر، وبيروح لوحده بعد كدة، والتقنية اللي بيتعمل بها مختلفة عن التاتو الدائم، لأن ده من خلاله بيتم تلوين الحاجب بالأحبار والألوان المناسبة مش حقن تحت الجلد، عشان كدة هو أقل خطورة من الدائم، وبتستخدم الحناء أو قلم حبر التاتو الجاف في تلوين الحواجب.   والنوع ده بيتعمل عادي عند أي كوافير أومركز تجميل، ومناسب أكتر للستات اللي بتحب كل فترة تعمل نيولوك، وتجدد في رسمة ولون الحاجب. تاتو الحواجب

 

مواضيع ذات علاقة
تبييض الأسنان عند الطبيب بواسطة عمليات الليزر أو اللاصقات الطبية
تبييض الأسنان عند الطبيب بواسطة عمليات الليزر أو اللاصقات الطبية

أصبح تبييض الأسنان في وقتنا الحالي يعتبر من أهم إكسسوارات الجمال الخارجي، وطرق التجميل التي يبحث عنها الجميع خاصة النساء منهم والسبب يرجع إلى معرفة الجميع بأن

فوائد الزنجبيل مع الليمون تجعله مشروبك الصباحي اليومي
فوائد الزنجبيل مع الليمون تجعله مشروبك الصباحي اليومي

فوائد الزنجبيل مع الليمون متعددة وتشمل جميع الأجهزة الحيوية بالجسم، وهو من أهم المشروبات وأعظمها فائدة، نظرا لقدرته على تعزيز الجهاز المناعي، والتخفيف من آثار

العسل الاسود - تعرفي على فوائد العسل الاسود
العسل الاسود - تعرفي على فوائد العسل الاسود

يتميز العسل الاسود بأن له العديد من الفوائد الصحية، وخاصة لمرضى الإنيميا، حيث أنه غني بعنصر الحديد، ويمد الجسم بكميات كافية منه، بالإضافة إلى أن العسل الاسود له

أشهر فوائد القرفة باللبن
أشهر فوائد القرفة باللبن

تعتبر القرفة من أكثر النباتات الطبيعية المليئة بالخواص العلاجية والغذائية الكبيرة لصحة الأفراد وبشكل خاص للنساء وذلك لأن للقرفة عدد من الفوائد الجمالية على الب

×

تحميل برنامج ستات

حمل الان

الى التطبيق