كل اللي محتاجة تعرفيه عن كيراتين الشعر

صحة وجمال, العناية بالشعر كل اللي محتاجة تعرفيه عن كيراتين الشعر
الشعر الناعم الحرير هو حلم كل الستات، واللي بيبذلوا كل مجهود، وبيجربوا كل الوسائل زي مكواة الشعر والسيشوار للحصول عليه، ومؤخراً ظهرت وسائل لعلاج الشعر وفرده ومن أهمها كيراتين الشعر.  

أيه هو الكيراتين؟

الكيراتين ده مادة طبيعية، ويعتبر أحد مكونات الشعر، ده كمان بيمثل حوالي 90% من مكونات الشعر، ودورها أنها بتغذي الشعر، وبتحميه من العوامل الخارجية.   والشعر بيفقد الكيراتين بسبب سوء التغذية وإهمال العناية به أو الحمل والولادة، وده اللي بيخلي الشعر يضعف ويبوظ ويقصف.   وجلسات الكيراتين بيتم من خلالها تزويد الشعر بمادة الكيراتين اللي محتاجها عشان يتغذى وترجعله نعومته وحيويته تاني، بس الكيراتين لوحده مش بيفرد الشعر، فبيحتاج إضافة مواد تانية عشان يكون الشعر مفرود ومسترسل. زيادة كثافة الشعر

مميزات كيراتين الشعر

لكيراتين الشعر مميزات كتيرة منها:

1- فرد الشعر المجعد:

الكيراتين بيخلي الشعر المجعد مفرود  ومفعوله بيدوم فترة طويلة مش بيرجع تاني لأصله بعد غسل الشعر زي الحال مع المكواة.   فلو شعرك مجعد مع الكيراتين هيبقى شعرك مفرود، وهتقدري تعمل له تسريحات مختلفة، وتغيري من اللوك بتاعك زي ما أنتي عايزة. مميزات كيراتين الشعر

2- تغذية الشعر

جلسات الكيراتين بتغذي الشعر بشكل كبير، وبتعوضه عن مادة الكيراتين اللي فقدها قبل كدة على مدار السنين اللي فاتت.  

3- تحسين نوعية الشعر

تكرار عمل الكيراتين بيحسن نوعية الشعر، فمع المرة التالتة اللي بتعملي فيها كيراتين هتلاحظي أنه تقصيف الشعر والهيشان والجفاف قلوا بشكل كبير، وبنسبة ممكن توصل لـ 50%.

أضرار كيراتين الشعر

الكيراتين في حد ذاته مش مضر خالص للشعر، بس المشكلة في مادة الفورمالين اللي بيتم إضافتها له في بعض الأحيان، واللي بتسبب مشاكل كبيرة منها احمرار وحكة في العين والجلد، وعلى المدى البعيد ممكن يسبب الإصابة بالسرطان.  

إزاي تكتشفي أن الكيراتين اللي بتسخدميه فيه فورمالين؟

تقدري تكتشفي بسهولة جداً إذا كان الكيراتين اللي بتستخدميه فيه فورمالين أو لا من ريحته، لأنه له رية نفاذة جداً. كمان الفورمالين بيسبب احمرار في العين وضيق في التنفس، وهتلاقي المكان اللي أنتي فيه اتملى دخان وبخار، في الوقت اللي بتعملي فيه جلسة الكيراتين.  

أنواع الكيراتين

الشركات بتنتج أنواع مختلفة من الكيراتين منها:
  • فيه شركات بتنتج أنواع من الكيراتين بتعمل على تنعيم الشعر، وبيعالج التقصف والهيشان وتساقط الشعر، والأنواع دي ممكن يتضاف لها زبدة الكاكاو لعلاج هيشان الشعر، وزيوت عضوية بتعوض الزيوت الناقصة في الشعر، أو ماء الذهب اللي بيغذي الشعر وبيديه نعومة ولمعان.
 
  • فيه أنواع بتفرد الشعر بشكل كبير، وبنسبة ممكن توصل لـ 70%، والأنواع دي بتحتوي على نسبة بسيطة من الفورمالين والأحماض الأمينية، وبتفرد الشعر بشكل طبيعي وآمن.
 
  • فيه أنواع بتفرد الشعر بشكل تام، وبنسبة بتوصل لـ 100%، والأنواع دي بتحتوي على نسبة عالية من الفورمالين، وبتسبب أضرار على الشعر منها تعرضه للتساقط بعد حوالي 6 أشهر من عمل الكيراتين.
القرق بين الكيراتين و بروتين في علاج الشعر

خطوات جلسة الكيراتين

خلال جلسة الكيراتين بيتم في الأول غسل الشعر، وبعد كدة وضع الكيراتين، وبتستخدم مكواة الشعر "بيبي ليس"، عشان تخلي الشعر يتشربه، والجلسة بتاخد وقت بيتراوح من ساعة لساعتين أو أكتر من كدة، وده بيتوقف على طول وكثافة الشعر.   وبيستمر الكيراتين في الشعر حوالي 6 أشهر، وبعد كدة بتحتاجي تعملي جلسة تانية، وعشان تحافظي على الكيراتين أطول فترة ممكنة، استخدمي الشامبوهات الخاصة بالكيراتين، أو أي شامبوهات بس تكون خالية تماماً من كبريت الصوديوم، وممكن كمان تستخدمي شامبوهات الأطفال لأنها خالية من المواد الكيميائية.

 

مواضيع ذات علاقة
أمراض جلدية تصيبك في فصل الصيف وكيفية الوقاية؟
أمراض جلدية تصيبك في فصل الصيف وكيفية الوقاية؟

تتزايد المشكلات الجلدية التي تصيب النساء، في فصل الصيف، سواء في بشرة الوجه، والإسمرار من الشمس الحارقة، والحبوب، أو الجسم وكثرة الحكة، فهي ترتبط بمقدار التعرض ل

المكياج وسرطان الجلد ..  خطر يهدد حياتنا أم شائعات؟
المكياج وسرطان الجلد .. خطر يهدد حياتنا أم شائعات؟

المكياج وسرطان الجلد .. هناك العديد من الشائعات والأنباء التي تؤكد تسبب مستحضرات التجميل المختلفة في الإصابة بسرطان الجلد؛ لاحتوائها على مواد كيميائية

كيفية عمل حمامات زيت للشعر
كيفية عمل حمامات زيت للشعر

كيفية عمل حمامات زيت للشعر حيث لا تعلم الكثير من الفتيات والسيدات ما هي الطريقة الصحيحة لعمل حمامات زيت للشعر بهدف المحافظة عليه من التلف والعوامل الخاريحة

فوائد المشمش لبشرتك ولطفلك
فوائد المشمش لبشرتك ولطفلك

أهمية و فوائد المشمش لا تقتصر فقط على القيمة الغذائية وتناوله عن طريق الأكل ولكن للمشمش عدد كبير من الفوائد الجمالية الأخرى على البشرة والشعرولهذا السبب نجد ان

×

تحميل برنامج ستات

حمل الان

الى التطبيق