حلقة عن اهمية الديتوكس و كيفية تحضيره مع خبيرة التغذية ريهام شاكر

صحتك حلقة عن اهمية الديتوكس و كيفية تحضيره مع خبيرة التغذية ريهام شاكر

كتير من الناس بتسمع كتير كلمة الديوتكس، وبتبقى مش عارفة هو أيه؟، وليه لازم تعمل ديتوكس لجسمها، الديتوكس مهمته أنه بيطلع السموم من الجسم. السموم دي مش بتيجي من الأكل بس، لكن ممكن تيجي من المبيدات، التلوث، المنظفات، ومن الهواء ومن كل الحاجات حولنا.  

امتى تعرفي أنك محتاجة ديتوكس؟

فيه علامات معينة بتخليكي تعرفي أن مستوى السموم في جسمك زاد، وأنك محتاجة ديتوكس، ومن العلامات دي:

  • الإمساك
  • الغازات
  • الصداع المزمن
  • غثيان
  • رائحة النفس الكريهة

    الديتوكس

    الديتوكس
  • قلة الطاقة في الجسم
  • التقلب المزاجي
  • جفاف البشرة

أهمية الديتوكس للجسم

الديتوكس له فوائد كتيرة على الجسم ومنها:

  • يساعد على التخسيس وفقدان الوزن
  • يطرد السموم من الجسم
  • يرجع للبشرة نضارتها

  إزاي ممكن نعمل الديتوكس   فيه مكونات كتير نقدر بإضافة المياه لها أننا نعمل منها الديتوكس، ومنها:

  • الجريب فروت، من أكتر الحاجات اللي بتساعد على طرد السموم من الجسم.
  • الفراولة برده من أكتر الحاجات اللي بتطرد السموم، وبتساعد على إعادة نضارة البشرة، وتقوية الشعر والأظافر.
  • النعناع
  • الجنزبيل
  • الخيار

ممكن تضيفي شرائح الخيار على المياه وتعصري عليها الليمون وتشربيها، وممكن تغلي الجنزبيل، وتضيفي على المياه بتاعته ليمون، وتضيفي عليهم كمان خل التفاح وتشربيها.   وخل التفاح له تأثير سحري، ممكن تاخدي معلقة منه الصبح، أو تضيفيه على الشاي الأخضر، هيساعدك بشكل كبير على التخلص من السموم اللي موجودة في جسمك، وخصوصاً كمان أن الشاي الأخضر مليان مضادات أكسدة، كمان من الحاجات المفيدة جداً للجسم، وبتنقيه من السموم الروزماري.   وممكن الصبح تعملي ديتوكس من أوراق السبانخ، ويفضل أنها تكون أورجانك، اضربي كوبيتين سبانخ مع كوباية مياه في الخلاط، زودي عليها نعناع، وبشر جنزبيل وليمون، وزودي عليهم كمان كوباية فراولة وتفاح أخضر، ومعلقة عسل، واشربي كل يوم الصبح منه كوباية لمدة 3 أيام.   

 

 

مواضيع ذات علاقة
8 طرق لإزالة الهالات السوداء في أسبوع
8 طرق لإزالة الهالات السوداء في أسبوع

أول حل بيخطر في بالك لعلاج الهالات السوداء استخدام الكونسيلر أو كريم الأساس، بس الاتنين دول مش بيعالجوا الهالات السوداء هما بس بيخفوها مؤقتاً، اتفرجي على الفيدي

معدل إنقاص الوزن الصحيح
معدل إنقاص الوزن الصحيح

معدل إنقاص الوزن الصحيح ،ناس كتير فاكرة أننا لو عملنا دايت هنخسر كل الوزن الزائد، وهنرجع لوزننا أيام الجامعة، ودي مشكلة كبيرة جداً. لازم نعرف أن معدل

كيفية إنقاص الوزن بعد رمضان
كيفية إنقاص الوزن بعد رمضان

إنقاص الوزن بعد رمضان ، في سؤال كلنا بنسأله إزاي نرجع لنظام حياتنا الطبيعي بعد رمضان؟ بعد رمضان بنلاقي نفسنا مش قادرين نصحى نفطر، ومواعيد الفطار

الجز على الأسنان
الجز على الأسنان

الجز على الأسنان مشكلة بيعاني منها كتير من الناس، وبتحصل أكتر خلال اليوم، وبتسبب أضرار كتيرة مش بس على الأسنان، لا وكمان على الصحة العامة للجسم. أضرار الجز على

التعليقات
لا يوجد تعليقات
اكتبي تعليق
comments::comments.your_message_is_required