المشاكل الناتجة عن خطأ فى التفكير

لايف كوتشينج المشاكل الناتجة عن خطأ فى التفكير

فيه سؤال أمهات كتير بتسأله لنفسها ليه أنا أم عصبية، وأيه اللي بيخليني اتعصب دائماً على أولادي ليل ونهار، وأنا مش عايزة أبقى عصبية. عشان تعرفي تجاوبي على السؤال ده لازم تحددي أيه هو السبب وراء عصبيتك، مفيش عصبية من غير سبب، ممكن تكوني مش عارفة السبب، أو ممكن تكوني مش عارفة تحددي أيه هو السبب اللي مخليكي متعصبة

الأولاد ملهمش أي ذنب في عصبيتك، وخصوصاً أنه ممكن ميكونش طرف في الأسباب اللي بتخليكي متعصبة، فبدل ما تطلعي عصبيتك عليهم، ممكن تقعدي وتفكري أيه السبب اللي مخليكي متعصبة ومتوترة.

 أسباب عصبية الأمهات

فيه حاجات كتير ممكن تخليكي متعصبة ومتوترة طول اليوم، ومنها:

  • المسئوليات الكتير تؤدى الى خطأ فى التفكير

لو عليكي ضغط، ووراكي مسئوليات ومهام كتير مطلوب منك تنجيزها في اليوم، ده ممكن يخليكي متعصبة. يعني هتروحي الشغل، وهتعمل الأكل لما ترجعي البيت، وفيه واجب لازم يتعمل، ومذاكرة عشان فيه امتحان، وفيه تمرين بالليل، وشنطة المدرسة لازم تتحضر لأن مفيش وقت الصبح، كل الحاجات اللي وراكي دي هتخليكي متعصبة، وخصوصاً وأنتي مش ملاحقة تعملي كل ده، وتنجيزه لوحدك.

  • خلافات مع الزوج

ممكن يكون سبب عصبيتك هو وجود خلاف أو خناقة بينك وبين جوزك، والأولاد ملهمش ذنب فيها، مش معني أنك متخانقة في البيت يبقى تطلعي العصبية دي عليهم.

  • عدم الالتقاء بالأصدقاء

ممكن يكون سبب من أسباب العصبية أنك قاعدة طول النهار في البيت، ومفيش وقت تخرجي وتقابلي فيه أصحابك، وخصوصاً أنهم كمان ممكن يكونوا مشغولين زيك، فده ممكن يخليكي تكوني متضايقة ومتعصبة.  مرض شخص غالي ممكن تكوني متعصبة بسبب أنك حد غالي عليكي تعبان، ومش عارفة تزوريه وسط المشاغل اللي عندك، أوتقدمي له الدعم الكافي، فإحساسك أنك مقصرة في حقه ممكن يخليكي عصبية.

  • عدم النوم الكافي يؤدى الى خطأ فى التفكير

لو مش بتنامي كويس أو نومك متقطع، أو بتصحي بدري أوي عشان تنجزي اللي وراكي قبل الشغل، ده من أكتر الأسباب اللي ممكن تخليكي متوترة وعصبية طول اليوم.

  • الجيران والمنطقة

علاقتك بالجيران، المنطقة بتلاقي ركنة ولا لأ، البيت نفسه منظم بتعرفي تلاقي الحاجة جواه، كل ده ممكن يأثر على نفسيتك بشكل كبير.   

 

 

مواضيع ذات علاقة
تعرفي على الأهل الهليكوبتر وصفاتهم
تعرفي على الأهل الهليكوبتر وصفاتهم

إزاي تعرفي أنك من الأهل الهليكوبتر على أولادك، والهليكوبتر معناها أنك بتكوني فوق رأس الأولاد أغلبية الوقت، وده بيبقى نوع من أنواع التربية

الناقد الداخلي وكيفية التغلب عليه
الناقد الداخلي وكيفية التغلب عليه

الناقد الداخلي من أكتر الحاجات اللي بتخلينا نقف مكاننا، أيه الناقد الداخلي، وإزاي بيأثر على حياتنا بشكل سلبي، وإزاي نقدر نتغلب عليه.   الناقد الداخلي هو

تعرفي على دواعي استقلالية الستات وأهميتها
تعرفي على دواعي استقلالية الستات وأهميتها

ترتبط العديد من المشكلات الحياتية ومشكلات العلاقات الزوجية للسيدات بفكرة استقلالية الستات فعدم قدرة المرأة على تطبيقها تعيقها عن أخذ القرارت الصحيحة

كيف يمكن الاستفادة من الصفات المستفزة ؟ .. بسطها متكلكعهاش
كيف يمكن الاستفادة من الصفات المستفزة ؟ .. بسطها متكلكعهاش

هل فكرت من قبل أنه بإمكانك الاستفادة من أكثر الصفات المستفزة عند الآخرين والتي تسبب إزعاجك في كثير من الأحيان؟ بالتأكيد لا، ولذلك ستات.كوم يقدم إليك الكبسولة ال

×

تحميل برنامج ستات

حمل الان

الى التطبيق