تعرف على أهمية اللبن في حياتنا اليومية

صحتك تعرف على أهمية اللبن في حياتنا اليومية

اللبن يعتبر من أغنى المصادر بالكالسيوم على الإطلاق، وعندنا في الهرم الغذائي عنصر اللبن موجود في مكان لوحده لخوفنا الشديد من الإصابة بهشاشة العظام من عدم تناول الألبان.

أهمية تناول اللبن

وهشاشة العظام من الحاجات اللي بدأت تظهر بقوة في السنين الأخيرة، وعظامنا دي تعتبر عاملة زي الحصالة بيتحوش فيها الكالسيوم من أول ما نتولد ولحد ما يكون عندنا 33 سنة، من 33 لـ 38 سنة، كأن باب الحصالة ده اتقفل والعظم مش بياخد أي كالسيوم جديد، بعد 38 سنة بيبدأ العظم يفقد كميات من الكالسيوم بجرعات بسيطة يومياً. وبعد انقطاع الدورة الشهرية هتلاقي أن فقدان الكالسيوم بقى أسرع بكتير، ولو ما ملتيش الحصالة دي من وأنتي صغيرة بنسبة 100% أو 90% هتعاني لما تكبري من هشاشة العظام. ودور الكالسيوم مش في أنه فقط يتخزن جوة العظام أو الأسنان، ولكن الكالسيوم بيعمل على انقباض العضلات يومياً، سواء العضلات الإرادية في الايد أو الرجل، أو العضلات الغير إرادية  زي عضلة القلب أو التنفس. وبعد انقطاع الدورة لازم تشربي لبن أو تاخدي مكملات الكالسيوم واللي الجسم محتاجه عشان انقباض العضلات، ولو العضلات ملقتش كالسيوم في الدم هتلجأ للكالسيوم اللي موجود في العظام، وتكسر فيه.

الآثار الجانبية لتناول اللبن

 أهم العيوب اللي بيسببها تناول اللبن هي الحساسية، واللي بيعاني بعض الناس منها بعد تناوله، لأنة جاي من أجسام البقر أو الجاموس، وبيعتبروا بروتينات غير البروتينات بتاعتنا، فده بيهيج جهاز المناعة.

كميات اللبن اللي بينصح بتناولها يومياً

مفيش أي مشكلة لو شربناه باعتدال، والكمية اللي ممكن نشربها منه يومياً، واللي مكتوبة على كل عبوات اللبن بتوجيهات من وزارة الصحة هي: كوب واحد للأطفال، والمراهقين من 3-4 أكواب، والبالغين في حدود كوبايتين، وللسيدات بعد انقطاع الدورة الشهرية في حدود من 3-4 كوبايات أو ما يعادل ده من أقراص الكالسيوم. https://www.youtube.com/watch?v=411EtV7YntU

 

مواضيع ذات علاقة
أسباب صعوبة التوقف عن التدخين والقهوة فى رمضان
أسباب صعوبة التوقف عن التدخين والقهوة فى رمضان

أسباب صعوبة التوقف عن التدخين والقهوة فى رمضان ،مخنا بيحتوي على كميات معينة من الموصلات الكيميائية زي الاندورفين وحاجات كتير جداً، كل واحدة من

تعرفي على فوائد وأضرار الكافيين
تعرفي على فوائد وأضرار الكافيين

الكافيين موجود فى الشاي والقهوة و دى المشروبات اللي بنعتمد عليها بشكل كبير يومياً و لها فوائد زي ما لها أضرار. أضرار الكافيين الشاي بيحتوي على مادة اسمها التنك

تعرفي على تصنيفات أنواع اللحوم
تعرفي على تصنيفات أنواع اللحوم

أنواع اللحوم ،اللحوم أنواع مختلفة زي البتلو والكندوز والضاني ولحم الماعز، وأكتر نوع لحم مشابه لجسمنا مناعياً هي لحمة الماعز، وأكتر لبن يشبه جسمنا

كيفية الوقاية من مرض السكري قبل الإصابة به؟
كيفية الوقاية من مرض السكري قبل الإصابة به؟

التوتر والقلق والعصبية الزائدة، أهم أسباب الإصابة بمرض السكري، سواء للصغار أو الشباب، لذا فتجنب تلك الأمور، يساعدك على الوقاية من مرض السكري ، وكذلك ممارسة الري

التعليقات
لا يوجد تعليقات
اكتبي تعليق
comments::comments.your_message_is_required